Ri imul xuquje’ ri kok
De CNB
< Antología de cuentos | Cuentos en k'iche'
Revisión del 10:33 1 dic 2016 de Carlos Mulul (discusión | contribuciones) (Página creada con «{{Antología de cuentos |idioma=k'iche' |tipo=K’ulmatajem tzij |tamaño=30px |autor=Teodoro Castro Gutiérrez |lugar=Joyabaj, Quiché |texto=Xk’ulmataj pa jun Komon ch...»)
K’ulmatajem tzij
Xk’ulmataj pa jun Komon chi’ uwach jun juyub’, xuriqa jun q’ij xkiriq kib’ jun imul ruk’ le kok. Xpe le imul xub’ij che le kok rech kakitzaq anim. Le imul xub’ij: kok, katkowin taj katzaq anim, nojim katb’inik. Qastzij xcha ri kok, in nojim kinb’inik. Xa k’u kinb’ij chawe chi in kinch’ak ri anim.
Xpe ri imul xutze’j uwach ri kok, xkiyuk b’a k’ib’ le keb’ awajib’ rech kel che anim. Ri k’amal b’e xub’ij chike, chimaja ri anim. Ri imul xumaj ri anim, xuya kan le kok. Ri kok nojim xb’ek, xuch’ijo xopan pa uk’isb’alil le anim. Ri imul xuch’ij taj, xkanaj pa b’e, rumal ri nimal kujaluj ri imul, xutzaq ri anim.
Pixab’: man utz taj k’ax kujch’aw chikij nik’aj qachil. Kqab’ij man kekowin taj. Xa rajawaxik kqato’ qib’ pa qak’aslemal.
Teodoro Castro Gutiérrez
Joyabaj, Quiché
Joyabaj, Quiché
