Ri ali Po’x ajkun

Pa jun je’l tijob’al kutijoj rib’ jun ak’al, ub’i’ Po’x, utz kurilo ke pa tijob’al ronojel taq q’ij. Ri ajtij rech ali Po’x ub’i Wiy Batz, kutaq che usik’ixik uwach wuj ronojel taq aq’ab’. Kub’ij chech na’l kab’an che ri a tz’ib’.

Ri ali’ Po’x, utzalaj ajtijoxel, k’ax taj kub’an che usik’ixik uwach wuj. Amaq’el na’l kub’an chech ri utijoxik rib’pa tijob’al. Are chi xk’istaj ri utijoxik rib’ pa tijob’al. Xumaltyoxij che ri ajtij ronojel le xuk’ut chi uwach. Te k’u ri’ xutz’ib’aj rib’ pa ri nimalaj tijob’al rech Ajku’n. Xuch’ek ronojel le retamanik xpaqi’k k’a xkw’inik xub’an ajkun.

Kamik xuwok jun ja jawchi ku kunaj eyowa’ib’ rech ukomon. Sib’alaj utz uchomab’al je’l ku na’o’ kub’an toq’ob’ chikech le winaq. Kamik ri ali’ Po’x kub’ij chike le ak’alab’ jix pa tijob’al chitijoj iwib’, chi wetamaj ronojel le utzilal ek’o pa taq le no’j wuj. In kwaj kib’an utzataq achi’jab’, utzataq ixoqib’ rech qa komon.