La plej nova versio de la permesilo estas 4.0, kiu povas esti uzata tutmonde. Se vi tamen serĉas adaptaĵojn de la permesilo por specifa jurisdikcio, vi povas ilin daŭre uzi.

Se via jurisdikcio ne estas sur ĉi tiu listo aŭ vi volas uzi la plej aktualan version de la permesilo anstataŭ ties adaptaĵon, vi povas reiri al la permesila elektilo 4.0.

La plej aktuala versio de la permesilo estas 4.0, kiun eblas uzi tutmonde. Pli fruaj versioj de la permesiloj, inkluzive 3.0 tutmondan kaj adaptaĵojn por konkretaj jurisdikcioj, daŭre estas uzeblaj post alklako sur la suban ligilon „montri pli fruajn permesilojn“.

Jes

La permesanto rajtigas la aliulojn kopii, distribui, aperigi kaj efektivigi la verkon, same kiel krei kaj distribui devenaĵojn bazitajn sur ĝi.

Jes, se la aliigita verko estos disponebla samkondiĉe

La permesanto rajtigas la aliulojn krei kaj distribui devenaĵojn, sed nur laŭ la sama aŭ kongrua permesilo.

Ne

La permesinto rajtigas la aliulojn kopii, distribui, aperigi kaj efektivigi la verkon, sed ne distribui devenaĵojn bazitajn sur ĝi.

Jes

La permesanto rajtigas la aliulojn kopii, distribui, aperigi kaj efektivigi la verkon, inkluzive por komercaj celoj.

Ne

La permesanto rajtigas la aliulojn kopii, distribui, aperigi kaj efektivigi la verkon, sed nur por nekomercaj celoj.

La panelo „Elektita Permesilo“ aperigas informojn pri la permesilo, kiu estas priskribita en la panelo „Permesilaj Trajtoj“. Modifo de la indikoj en la panelo „Permesilaj Trajtoj“ aktualigos la informojn aperantajn ĉi tie.

Aprobita por Liberaj Kulturaj Verkoj

Se la elektita permesilo provizas rajtojn postulatajn por permesilo de libera kulturo, la bildsimbolo „Aprobita por la Liberaj Kulturaj Verkoj“ aperos sur ĉi tiu panelo. Ĉi tiu eco estis kreita por helpi vin fari pli informitajn decidojn. La permesiloj Nekomerce kaj Nemodifite enhavas aldonajn limigojn, kiuj laŭdifine malebligas konsideri ilin permesiloj de libera kulturo.

Kvankam niaj permesiloj neapartenantaj al la permesiloj de libera kulturo estas en specifaj cirkonstancoj utilaj, ilia uzo povas rezultigi neintencatajn konsekvencojn (kiel permesilan malkongruon). Ekzemple verkon disponeblan laŭ la permesilo „Atribuite-Nekomerce-Samkondiĉe“ oni ne rajtas kombini kun verko disponebla laŭ „Atribuite-Samkondiĉe“, ĉar disponebligo de la rezulta verko laŭ ajna permesilo el ambaŭ malrespektas la duan per aŭ aldono aŭ forigo de la limigo Nekomerce.

Ekzemplo de permesila malkongruo el reala mondo: Verkojn kun la limigo Nekomerce aŭ Nemodifite oni ne rajtas aldoni al Vikipedio.

Freedomdefined.org estas granda fonto de informoj pri libera kulturo. La paĝoj kun la difino de la libera kulturo kaj akcepteblaj limigoj estas mirindaj elirpunktoj por plua lernado.

Ĉi tiu informaro estas enkorpigita en maŝinlegebla formo. Tio ebligas al serĉiloj indeksi kromajn informojn pri via verko kaj al la homoj, venintaj al la permesila resumo el via paĝo, vidi informojn kiel atribui vian verkon.

Disponeblas pli da informoj pri la metadatenoj de la Krea Komunaĵo.

La elektokesto „Formo de la permesilo“ determinas enhavon de la malsupra dekstra panelo. La panelo provizas ilojn por marki vian verkon en kohera kaj norma maniero.

HTML + RDFa

Estas provizata HTML, kiun eblas kopii al via retpaĝo. La HTML estas prinotita per maŝinlegeblaj metadatenoj. Tio ebligas al serĉiloj trovi simile disponeblajn verkojn kaj aŭtomate distingi informojn pri la verko (ekzemple la nomon de ties aŭtoro).

XMP

Dosieron XMP eblas enkorpigi en multajn aliajn dosierformojn, ekzemple en PDF.

Eksterreta

Ĝi provizas simplan plattekstan atentigon, kiun eblas uzi por marki eksterretajn verkojn

La HTML, provizata en ĉi tiu panelo, povas esti algluata en vian retejon por aperigi, laŭ kiu permesilo disponeblas via verko, same kiel por liveri informojn pri atribuo. Tiu HTML kombinas informojn el la paneloj „Permesilaj Trajtoj“ kaj „Helpu al aliuloj atribui vin!“. Ĝi ankaŭ enhavas metadatenojn RDFa, kiuj ebligas al serĉiloj precize sciiĝi, laŭ kiu permesilo estas via verko disponebla kaj kiel vi volas esti atribuata.

Ĉi tiu panelo enhavas ankaŭ antaŭrigardon, kiel aspektos la HTML, estonte enkorpigita en vian retejon. La radiobutonojn malsupre de la panelo eblas uzi por modifi grandon kaj aspekton de la permesila bildsimbolo en tiu HTML.