Le joj ruk’ ri par

K'o jun mul jun par kawakat cho taq juyub’, k’ate’ xrilo tak’al ri jun joj pa uwi’ jun nim che’, xuch’ab’ej xub’ij che: -tat joj, sa’j la wuk’ chujtzijonoq xa rumal che maj wachi’l kinb’isonik.

Ri joj xuchomaj chi ri par are kraj katijiq, tajij kutij jun imul ri par xa kutzukuj chik jas kub’ij che xuchomaj, xu b’ij che: are’ jun tz’ikin nim ka petik kab’ixonik, are jun awaj jelik cho taq ri nik’aj awaj chik. Ri joj sib’alaj xkikot ranima’ xuk’ab’ ri uchi’, xub’an ri jun b’ixonem ruk’ kiko’temal.

Are taq xujaq ri uchi’ xutzoqopij ri imul, ri par naj uwi’ che; xuchap ri imul, xutijo xaq jeri xpakun ri unumik. Xutyoxij che ri joj katzenik xe’ pa ri ujul. Ri joj kab’isonik rumal che maj chik kutijo. Karapinik xutzukuj chi jun awaj. Man xuriq taj urikil xaq jeri xkam che wi’jal.